Tionscadail Maoinithe ag GAT

Cuireann an Ghníomhaireacht, i gcomhar leis an Roinn Tithíochta, Pleanála, Pobail agus Rialtais Áitiúil, ciste ar fáil do chuid mhór scéimeanna tithíochta agus eile do na húdaráis áitiúla ar fud na tíre. Tugtar sonraí faoi chuid de na scéimeanna is suntasaí le tamall anuas anseo.

Páirc na Gréine, Achaidh an Tobair, Tamhlacht, Baile Átha Cliath

Is cúis mhór áthais é do Oaklee Housing Trust a fhógairt gur cuireadh na 45 theach nua ag Páirc na Gréine, Achaidh an Tobair, Tamhlacht, Baile Átha Cliath 24 ar fáil do na tionóntaí nua le linn na seachtaine dar tús an 16 Deireadh Fómhair 2015. Tá an fhorbairt lonnaithe ar Bhóthar Bhaile an Chócaigh in aice le hIonad Siopadóireachta Springfield Scoil St. Mark’s agus Club CLG St Marks. Áirítear san fhorbairt 44 árasáin – idir árasáin le dhá sheomra codlata agus árasáin le seomra codlata amháin. Tá sé cóngarach do gach conláiste riachtanach áitiúil agus tá naisc dhíreacha aige leis an M50 agus le lár na cathrach. Tá stad LUAS laistigh d’achar shiúl na gcos ón bhforbairt. Is féidir teacht go héasca ar shaoráidí áitiúla – mar shampla tá áiseanna siopadóireachta den chéad scoth in ionad siopadóireachta The Square, tá teacht éasca ar oifigí Chomhairle Contae Bhaile Átha Cliath Theas, ar an Amharclann Pobail, ar staid Shamrock Rovers agus ar an Leabharlann Phoiblí.

Tá na hárasáin leagtha amach go deas agus tá siad mór. Is árasáin 59 méadar cearnach ar mhéid iad na hárasáin le seomra codlata amháin agus tá na hárasáin 2 sheomra codlata idir 66 – 87 méadar cearnach ar mhéid. Féachann gach árasán amach sa dá threo, tá teas lárnach faoin urlár iontu agus tá rátáil fuinnimh B ag formhór na n-áitreabh. Leagadh amach an fhorbairt ina dhá bhloc ar leithligh le 6 chroílár le hardaitheoirí agus bealaí isteach iontu. Tá páirceáil ar fáil san íoslach. Bhíothas in ann tabhairt faoin tionscadal seo a bhuíochas le maoiniú ó Shaoráid Léasaithe Réamhíocaíochta Caipitil de chuid DECLG, le saoráid Léasaithe Fhadtéarmaigh Chomhairle Contae Bhaile Átha Cliath Theas agus le maoiniú príobháideach ón nGníomhaireachta Airgeadais Tithíochta. Guíonn Oaklee Housing Trust gach rath ar na tionóntaí nua agus cuirtear fáilte mhór rompu agus tá súil againn go mbeidh sian an-sona ina dtithe nua go gceann achar fada.


View Páirc na Gréine Gallery  

Thorndale, Baile na Lorgan, Co Mhuineacháin

Cheannaigh Clúid 9 gcinn de thithe ardchaighdeáin le 3 sheomra codlata in eastát Thorndale atá lonnaithe i mBrí, Baile na Lorgan i gContae Mhuineacháin. Is iad Murnaghan Brothers Ltd a d’fhorbair na tithe, tógálaí agus forbróir seanbhunaithe i Réigiún an Oirthuaiscirt. Tá an fhorbairt an-chóngarach do shaoráidí agus conláistí éagsúla, a fhreastalóidh ar áitritheoirí na forbartha. Chomh maith leis sin, tá Ionad Acmhainne Ealaíon agus Pobail Bhaile na Lorgan sa cheantar, a chuireann aonad ilfhreastail ar fáil le haghaidh raon leathan gníomhaíochtaí do mhuintir Bhaile na Lorgan agus an cheantair máguaird. Chomh maith leis sin, tá raon gníomhaíochtaí spóirt agus fóillíochta sa bhaile lena n-áirítear club CLG, club gailf, agus roinnt gníomhaíochtaí uiscebhunaithe. Chomh maith leis sin, cuireann Ionad Fiontar Bhaile na Lorgan roinnt saoráidí ar fáil don phobal áitiúil lena n-áirítear seomraí cruinnithe, cúrsaí TF agus oiliúna, agus oiliúint do ghnóthaí áitiúla.

Tá sé seo ar an dara forbairt tithíochta ag Clúid agus tá sé beartaithe ag an eagraíocht forbairtí eile a thógáil sa chontae agus obair i gcomhar le Comhairle Contae Mhuineacháin. Déantar an scéim a mhaoiniú le hiasacht bheag ón rialtas chun iasacht níos mó a ghiaráil. Cuireann an Ghníomhaireacht Airgeadais Tithíochta (HFA) iasachtaí fadtéarmacha ar fáil ag rátaí buntáisteacha. Cuireadh HFA ar bun mar eagraíocht neamhspleách chun iasachtaí a sholáthar d’údaráis áitiúla. Tá tacaíocht ghníomhach HFA ríthábhachtach dár gclár forbartha. Déanfaidh Clúid aisíoc ar na hiasachtaí sin ag úsáid an chíosa arna sholáthar ag tionóntaí (atá inacmhainne i gcónaí) agus ag úsáid íocaíocht infhaighteachta ón Roinn Comhshaoil.


View Thorndale Gallery  

Leitir Burca, Bóthar Bhaile an Mhóinín, Cnoc na Cathrach, Gaillimh

Tugadh an scéim seo de 10 n-áitreabh do Clúid i lár 2015 agus droch-chaoi ar na háitribh. Níor cuireadh ach tréimhse an-ghearr ar fáil chun na háitribh seo a cheannach. A bhuíochas leis an gcomhoibriú ó HFA, Comhairle Cathrach na Gaillimhe agus NAMA; faoi Dheireadh 2015 bhí Clúid tar éis na haonaid seo a fháil agus cuireadh oibreacha uasghrádaithe i gcrích le haghaidh na dtionóntaí. Suiteáladh córas teasa a bhí níos éifeachtaí ó thaobh fuinnimh de, cuireadh troscán nua ar fáil, deisíodh an córas idirchumarsáide agus suiteáladh rampaí do chathaoireacha rothaí. Cuireadh i gcrích an phéinteáil laistigh agus lasmuigh. Tá na tionóntaí ag Leitir Burca i mbun cumann áitritheoirí a bhunú i gcomhar le Clúid agus chuir siad in iúl cé chomh lúcháireach agus sásta a bhí siad a bheith ina dtionóntaí ag Clúid. Anois tá fíorbhraistint pobail ann, dar leo.


View Leitir Burca Gallery  


Is cúis mhór áthais é do Túath a fhógairt gur cheannaíodar 33 áitreabh sóisialta nua i gCorcaigh, i gCiarraí agus i mBaile Átha Cliath. Fuarthas na háitribh seo go léir le maoiniú CALF ón Roinn Comhshaoil, Pobail agus Rialtais Áitiúil agus le maoiniú príobháideacha tríd an nGníomhaireacht Airgeadais Tithíochta (HFA).

Old Course, Mala, Co. Chorcaí

Fuarthas 14 áitreabh ag Old Course, Mala. Ba eastát neamhchríochnaithe é seo agus d’oibrigh Túath i gcomhpháirtíocht le NAMA, leis an nglacadóir agus le Comhairle Contae Chorcaí ionas go mbeadh na hoibreacha réitigh go léir ar an suíomh i gcrích agus go mbeadh na háitribh go léir críochnaithe ar an taobh istigh. Tá meascán de thithe, árasáin agus árasáin dhá urlár ann agus iad dáilte ar thionóntaí ó liosta feithimh tithíochta sóisialta Chomhairle Contae Chorcaí.


View Old Course Gallery

Uaran an Toirin, Cill Orglan, Co. Chiarraí

D’oibrigh Túath go dlúth leis na forbróirí Michael Sheahan and Sons chun 6 x 3-theach teaghlaigh a fháil. Ba iad sin na háitribh dheireanacha a críochnaíodh san fhorbairt, agus san fhorbairt féin tá breis is 70 áitreabh, a cuireadh i gcrích ar ardchaighdeán. Déanfar iad a dháileadh ar theaghlaigh ó liosta feithimh tithíochta sóisialta Chomhairle Contae Chiarraí go luath sa bhliain 2016. Beidh na háitribh seo ar na chéad aonaid faoi úinéireacht Túath agus táimid ag súil le bheith ag obair i gcomhpháirt leis an gcomhairle arís sna blianta beaga amach anseo.


View Uaran an Toirin Gallery

Coill Hampton, Fionnghlas, Baile Átha Cliath 11

Rinne an cumann athnuachan ar a chaidreamh le Dwyer Nolan Developments chun 13 áitreabh sa bhreis a fháil ag Coill Hamprton, Fionnghlas. Fuarthas 64 áitreabh ó Dwyer Nolan le 12 mhí anuas agus rinneadh na tithe agus na hárascáin dhá urlár sin a dháileadh ar thionóntaí tosaíochta ar liosta feithimh Comhairle Cathrach Bhaile Átha Cliath, chomh maith le tionóntaí na comhairle atá á n-aistriú amach as a mbailte i mBaile Munna. Méadaíonn sé seo láithreacht an chumainn san fhorbairt seo de 59 n-áitreabh.


View Coill Hampton Gallery

Cois Bhearu agus Ardrew Square, Áth Í, Co. Chill Dara

Bhí Túath i léas 10 mbliana trí thionscnamh leasaithe phríobháidigh le Paddy Raggett Homes le haghaidh 10 dteach ag Cois Bhearu agus 4 árasán ag Ardrew Square, Áth Í. Beartaíodh ar chomhaontú leis an gcumann an deis iad a cheannach amach agus tá na háitribh go léir ceannaithe anois le maoiniú CALF tríd an Roinn Comhshaoil, Pobail agus Rialtais Áitiúil agus trí mhaoiniú príobháideach ón nGníomhaireacht Airgeadais Tithíochta. Rinneadh na háitribh go léir a dháileadh ar dhaoine a bhí ar liosta feithimh Chomhairle Contae Chille Dara agus anois tá tionacht níos sláine acu dá bharr.


View Cluain Bhearu Gallery  

Roseberry Hill

Tá an próiseas maidir le 7 dteach a cheannach i Roseberry Hill, ar an Droichead Nua, Co. Chill Dara, curtha i gcrích ag Túath. D'oibrigh Túath i gcomhpháirtíocht le Comhairle Contae Chill Dara, an Roinn Comhshaoil, Pobail agus Rialtais Áitúil, an Ghníomhaireacht Airgeadais Tithíochta cpt agus NAMA lena chinntiú gur ceannaíodh tithe teaghlaigh, lenar bhain ardleibhéal sonraí, i limistéar a bhfuil an-éileamh ar fad air. Tá na maoine leithdháilte ar iarratasóirí ó liosta feithimh na Comhairle. Fáiltíonn an Cumann roimh an deis teacht ar airgeadas tríd an nGníomhaireacht Airgeadais Tithíochta cpt agus CALF tríd an Roinn chun na ceannacháin seo a chur i gcrích.

Roseberry Hill Photo 1 Roseberry Hill Photo 2
View Roseberry Hill Gallery

Primrose Square, Baile an tSigínigh, an Nás, Co Chill Dara.

Primrose Square ina pháirt d’eastát Primrose Gardens atá lonnaithe i mBaile an tSigínigh, an Nás, Co Chill Dara. Tá thart faoi 180 aonad leath-scoite in Primrose Gardens agus chuir Iontaobhas Tithíochta Oaklee críoch le déanaí leis an bpróiseas le 8 dteach, ina bhfuil dhá agus trí sheomra leapa, a cheannach. Tá Iontaobhas Tithíochta Oaklee tar éis úsáid a bhaint as an Áis Réamhíocaíochta Caipitil don Léasú agus iad ag baint leasa as maoiniú ón nGníomhaireacht Airgeadais , tacaíocht ó Chomhairle Contae Chill Dara agus airgeadas ón Roinn Comhshaoil, Pobail agus Rialtais Áitiúil chun ceannach 8 n-aonad a chur i gcrích.

Tá córais téimh uisce de phainéil ghréine suiteáilte sna tithe agus tá rátáil BER B3 bainte amach acu. Tá 8 dteaghlach ó liosta feithimh tithíochta Chomhairle Contae Chill Dara ina gcónaí sna tithe faoi láthair.

Primrose Gardens Photo 1 Primrose Gardens Photo 2
View Primrose Square Gallery

Páirc na Meala, Dún Laoghaire

Tá Rochdale, Páirc na Meala, ina chuid d’fhorbairt mheasctha ard-dlúis atá suite ag gabhal Bhóthar Glengarry Uachtarach agus Ascaill na Cille, Dún Laoghaire. Tá cead pleanála faighte ag an bhforbairt le 856 teach & árasán a sholáthar, mar aon le háiseanna crèche, ollmhargadh, siopaí, café agus ionad comharsanachta ar an láithreán ar mhéid 78 acra mar a mbíodh iar-Chlub Gailf Dhún Laoghaire. Tá tús curtha le hoibreacha ar an ionad comharsanachta cheana féin agus cinntíonn tailte fairsinge páirce go mbíonn suíomh síochánta álainn, lonnaithe laistigh de bhaile, ar fail dóibh siúd a bheidh ina gcónaí ann.

Cheannaigh Túath Housing na háitribh ar amuigh is istigh ar €13 milliun. Rinneadh cuid den cheannachán a airgeadú trí iasacht ón Ghníomhaireacht Airgeadais Tithíochta cpt mar aon le maoiniúchán Stáit faoin Scéim Chúnaimh Chaipitil agus an Áis Réamhíocaíochta Caipitil don Léasú. Tá na háitribh a ceannaíodh suite laistigh den chéad chéim den scéim, atá lonnaithe go háisiúil is iad gar don iliomad fóntas áitiúil agus féadfar teacht ar nascanna iompair áitiúla ann freisin. Tá meascán d’árasáin ann ina bhfuil 1, 2 & 3 sheomra leapa agus bainistíonn an Cumann 19 n-áitreabh eile atá ar léas fadtéarmach le Comhairle Contae Dhún Laoghaire. Táthar ag cruthú go bhfuil ag éirí go hiontach maith leis an scéim tionachta measctha seo mar gheall ar an áit a bhfuil sé lonnaithe, na hárasáin lena ngabhann ardsonraíocht, lena n-áirítear córas téimh chomhchoiteann lena gcinntítear go mbíonn na billí fuinnimh níos ísle agus toisc go mbíonn na háiseanna ar fáil do gach duine atá ina gcónaí laistigh den fhorbairt.

Honeypark Photo 1 Honeypark Photo 2
View Honeypark Gallery            

Ceantar Theas an Rabhcáin, Áth an Ghainimh, Co. Átha Cliath

Ceantar is ea Ceantar Theas an Rabhcáin i mBaile Átha Cliath Theas ina bhfuil siopaí miondíola, áiteanna cónaithe, oifigí agus óstáin ardchaighdeáin. Fuair Cumann Tithíochta Clúid seilbh ar 58 aonad cónaithe i scéim Cheantar Theas an Rabhcáin, arbh í an Ghníomhaireacht Airgeadais Tithíochta a mhaoinigh an chuid is mó de, chomh maith le roinnt maoiniúcháin ó acmhainní de chuid Clúid féin agus ó íocaíocht fóirdheontais nua a chruthaigh an Rialtas. Baineann sonraíocht iontach ard leis na hárasáin a bhfuair Clúid seilbh orthu agus is árasáin dhá urlár iad a bhformhór ina bhfuil cistineacha snasta, vardrúis agus seomraí folctha ina bhfuil tíleanna ar na ballaí agus ar an urláir araon. Is iontach an áit mar a bhfuil siad lonnaithe laistigh den scéim, agus radhairc uathu amach ar an bpríomhchearnóg. Leithdháileadh ceithre árasán is tríocha de chuid na n-árasán a bhfuair Clúid seilbh orthu ar thithíocht shóisialta faoi ‘Thionscnamh um Léasú Tithíochta Sóisialta’ de chuid an Rialtais, agus tá an ceithre árasán is fiche eile le ligean amach ar cíos ar rátaí an mhargaidh. Comhlíonann sé sin cuspóir an Rialtais go bhforbrófaí pobail ina mbeidh meascán tionachtaí a d’fhéadfadh a bheith inbhuanaithe ó thaobh cúrsaí sóisialta agus eacnamaíochta araon go fadtéarmach.

Beacon Photo 1 Beacon Photo 2
View Beacon Gallery              

Eastát Latchford, Co. Bhaile Átha Cliath

Tá 774 áitreabh in Eastát Latchford, ina bhfuil meascáin d’árasáin, árasáin dhá urlár agus tithe. Fuair Comhairle Contae Fhine Gall 72 áitreabh in Eastát Latchford ó bheirt fhorbróir dhifriúla faoi Chuid V den Acht um Pleanáil, 63 aonad inacmhainne agus 9 n-aonad sóisialta. As measc an 63 aonad inacmhainne, tá 15 gan díol fós ann atá amuigh ar léas do Chomhlacht Tithíochta Deonach faoi láthair. Tá na haonaid suite i scéim chónaithe nua-aimseartha ar a bhfuil dea-bhail chríochnúil. Tá Latchford suite i gceantar a bhfuil seirbhísí maithe iompair phoiblí ag freastal air – níl Stáisiún Traenach Chluain Saileach i bhfad ón bhforbairt ar chor ar bith. Tá na siopaí éadaigh faiseanta agus na háiseanna caithimh aimsire ag Ionad Bhaile Bhaile Bhlainséir gar don cheantar freisin. Is iomaí bialann agus pub éagsúil atá le fáil i sráidbhaile Chluain Aodha agus i mBaile Bhlainséir freisin – go deimhin ceann a shásódh mian gach éinne.


Latchford Photo 1 Latchford Photo 2
View Latchford Gallery  

Baile Adaim, Co. Bhaile Átha Cliath

Foirgníocht uirbeach phleanáilte atá i gceist le Baile Adaim lena mbaineann 10,000 aonad cónaithe agus an t-infrastruchtúr iompair agus pobail a théann leis. Tá Baile Adaim bunaithe ar chomharsanachtaí ar féidir siúlóid a dhéanamh iontu agus iad suite i ngar do chóras iompair poiblí ar ardchaighdeán. Tá meascán idir tithíocht shóisialta agus tithíocht incheannaithe i gceist leis an scéim agus cothromaíocht mhaith ann idir árasáin, árasáin dhá stór agus tithe cathrach, iad ar fad i suíomh meándlúis agus caighdeán ard i gceist maidir le cúrsaí comhshaoil. Tá an fhoirgníocht ag luí go maith leis na tithe príobháideacha agus áiseanna maithe - siopaí, scoileanna agus le crèche - á gur ar fáil dóibh ar fad. An Roinn Comhshaoil, Oidhreachta agus Rialtais Áitiúil a chuir ciste ar fáil don obair tríd an nGníomhaireacht Airgeadais do Thithe le cúnamh taca ó Chomhairle Chontae Átha Cliath Theas.

Pictiúir de Scéim Bhaile Adaim 12Adamstown Photo 13
Breathnaigh Pictiúir de Scéim Bhaile Adaim              

Baile Glas, Baile Lombaird, Co. Chorcaí

Is é Baile Glas toradh na dúthrachta ag Blackwater Resource Development agus Comhairle Chontae Chorcaí tionscadal tithe Sóisialta agus Incheannaithe a thabhairt i gcrích a thagann faoi anáil na díospóireachta faoi láthair maidir le tithíocht inmharthana atá éifeachtach ó thaobh costais agus fuinnimh de. Sa bhliain 2004 a rinneadh an dearadh ar an mBaile Glas agus is ionann an meánchostas in aghaidh na bliana ó thaobh ídiú fuinnimh agus €8.92 in aghaidh an m² i gcomparáid le meánchostas in aghaidh na bliana de €19.40 in aghaidh an m² de ghnáth i ndáil le tithe a tógadh ag an am sin. €2.20 an gnáthchostas in aghaidh an lae sna tithe sraithe dhá sheomra leapan agus trí sheomra leapan i mBaile Glas i.e. €803 in aghaidh na bliana i leith na mbillí fuinnimh ar fad. Is é tuairim a chuireann an lucht cónaithe in iúl go meastar na tithe a bheith geal, te agus saor ó shiorradh gaoithe agus go bhfuil an córas teasa éasca le húsáid.

Breathnaigh Pictiúir de Scéim Bhaile Glas  

Carraig Liath, Mainistir na Corann, Co. Chorcaí

91 aonad tithíochta sóisialta agus incheannaithe a bhaineann leis an bhforbraíocht seo. An Roinn Comhshaoil, Oidhreachta agus Rialtais Áitiúil a chuir ciste ar fáil don togra tríd an nGníomhaireacht Airgeadais do Thithe le cúnamh taca ó Chomhairle Chontae Chorcaí. Costas timpeall agus €15 milliún a bhain leis an bhforbairt. Tá 26 teach incheannaithe, 21 teach teaghlaigh (faoi bhainistíocht Chomhairle Chontae Chorcaí), 25 teach teaghlaigh faoi bhainistíocht Chumann Tithíochta Respond!, 19 teach do dhaoine scothaosta agus foirgneamh pobail amháin i gCarraig Liath.


Breathnaigh pictiúir de Charraig Liath        

Gleann na Bearú, Bagenalstown, Co Carlow

Forbraíocht shlánchóirithe i Muine Bheag, Co. Cheatharlach, atá i gceist le Gleann na Bearú. Tá 133 aonad tithíochta ann, 19 áras incheannaithe, 62 áras teaghlaigh de chuid an údaráis áitiúi, 40 áras teaghlaigh de chuid Respond!, 12 áras do dhaoine scothaosta agus áras pobail amháin. Costas iomlán timpeall agus €23 milliún a bhain leis an bhforbraíocht agus An Roinn Comhshaoil, Oidhreachta agus Rialtais Áitiúil a chuir ciste ar fáil don togra tríd an nGníomhaireacht Airgeadais do Thithe le cúnamh taca ó Chomhairle Chontae Cheatharlaigh agus ón gCumann Tithíochta Respond!


Breathnaigh pictiúir de Ghleann na Bearú

       

Lady’s Well, Mullach Eadrad, Co. Bhaile Átha Cliath

276 aonad atá i gceist le Lady’s Well. Tá meascán de thithíocht shóisialta agus de thithe incheannaithe ann agus é ar cheann de na bearta forbartha is mó in Éirinn go dtí seo. Tá 178 áras incheannaithe, 63 áras teaghlaigh do dhaoine scothaosta agus áras pobail amháin ag baint le Lady's Well. An Roinn Comhshaoil, Oidhreachta agus Rialtais Áitiúil a chuir ciste ar fáil don togra tríd an nGníomhaireacht Airgeadais do Thithe le cúnamh taca ó Chomhairle Chontae Fhine Gall agus agus ón gCumann Tithíochta Respond! Chosain an fhorbraíocht timpeall agus €50 milliún.


Breathnaigh Pictiúir de Lady's Well    

Tailte an Chlochair, Carraig Mhachaire Rois, Co. Mhuineacháin

Eastát slánchóirithe atá in Tailte an Chlochair lena mbaineann 171 aonad cóiríochta, 81 acu sin faoi bhainistíocht an Chumann Tithíochta Respond! Tá meascán de thithe do theaghlaigh agus d'árais do dhaoine scothaosta ar an eastát, chomh maith le hÁras Pobail atá ar fáil do na háitritheoirí ar fad. An Roinn Comhshaoil, Oidhreachta agus Rialtais Áitiúil a chuir ciste ar fáil don togra tríd an nGníomhaireacht Airgeadais do Thithe le cúnamh taca ó Comhairle Baile Charraig Mhachaire Rois agus Chomhairle Chontae Mhuineacháin.


Breathnaigh Pictiúir de Thailte an Chlochair    

log-in